(Za)patuek ikuskizuna gaur 20:00etan Plateruenean

Gaur goizean estreinatu da (Za)patuek ikuskizuna Plateruenean Durangoko Batxilergoko ikasleen aurrean. Txistu y Tamboliñ literatur taldeak sorturiko gidoiaren gainean lan egin dute Felix Arkarazo, Aitor Nika, Maite Perez eta Mariano Estudillo aktoreek, Kriskitin dantza taldeak, Karrika antzerki taldeak eta Ander Erzillaren musika bandak.

Aurtengo Zilar Asterako beren-beregi sortutako iksukizuna ikusteko azken aukera gaur iluntzeko 20:00etan izango da, Plateruenean bertan. Edorta Barruetabeña zuzendariak azaldu digunez “1984ko zapatu arrunt batean, taberna arrunt batean, jende arrunta betiko tragoa edaten ari da. Errutinari eusten ahalegintzen diren arren, euren ingurua, batzuek “el entorno” deitzen dutena, borborka ari da. Eta (za)patuak bultzaka eroango ditu protagonistak, bakoitza bere bidetik”

Bideoan Euskal Telebistak atzo Zilar Asteari buruz eman zuen erreportaia duzue ikusgai.

Abiatu da Zilar Astea

Koblakariak behar ditugu ikuskizunak eman dio hasiera aurtengo Zilar Asteri. Joseba Sarrionandia idazle iurretarraren inguruko aste tematikoak emozioz beterik eman ditu lehen pausuak. Joan den astearte goizean ikastetxeentzat, eta asteazken iluntzean publiko zabalarentzat, idazlearen imajinarioa ondo baino hobeto taularatu zuten Karrika Antzerki Taldeak, Gotzon Barandiaranek, Unai Iturriagak, Miren Amurizak, Rafa Ruedak eta Eñaut Elorrietak.

Ekitaldi bietan seiheun ikusle batu dira Plateruenean, eta haietako bakarren bat etxeratuko zen gorputzaldiari astindurik eman barik. Durangalde osotik ikusminez hurreratutako lagunek gogotik txalotu zuten beren-beregi Zilar Asterako sortu eta landutako ikuskizuna.

Datozen hitzorduak:

San Agustin Kulturgunea: Aulki Hutsa antzezlana

Udal Liburutegia: Literatuta Eskolaren hitzaldia Xabier Mendiguren Elizegiren eskutik.

Plateruena: Ibilaldi bat memoriaren mapan Iurretan zehar, bidean irakurtaldiekin.

ZILAR ASTEA martxoak24-28

Zilar Astearen aurkezpen prentsaurrekoa izan dugu gaur Plateruenean. Joseba Sarrionandia idazle iurretarraren inguruko aste tematikoa izango da aurtengoa. Antolatzaileen artean: Plateruena Kafe Antzokia, Berbaro Elkartea, Karrika Anzerki Taldea, Literatura Eskola, San Agustin Kulturgunea, Maristak ikastetxea, Jesuitak ikastetxea, Frai Juan de Zumarraga institutua, Ibaizabal ikastola eta Karrika antzerki taldea.

Zer den Zilar astea? (gehiago…)