Zorionak Anboto!

Anboto astekariak 500. alea argitaratuko du maiatzaren 10ean.

Badira hamaika urtetik gora, euskara sustatzeko hedabidea sortu zela, Erazen erreleboa hartuta. Dagoeneko, 500 bider jaso dugu gure postontzietan. Durangaldeko milaka lagunek irakurtzen dute astero, bertako informazioa euskaraz jasota.

Maiatzaren 10ean jasoko dugu 500garrena. Horren harira, Anbotok egun osoko jaialdia antolatu du Durangon, eta Plateruenean ere hainbat ekintza egongo dira: Bazkaria, ekitaldia eta erromeria. Bazkarirako txartelak eskuragarri daude antzokian bertan, Berbaron eta Anbotoren egoitzan.

Plateruon partez ere, Zorionak Anboto! Maiatzaren 11n elkartuko gara!

Hasi da aurtengo Zilar Astea

Zilar Astea 2013. Literatura Eskola.

 

Gotzon Barandiaran idazleak gidatutako Literatura eskolagaz hasi zen zapatuan aurtengo Zilar Astea. ‘Migrazioak’ da aurtengo gaia, eta gai hori ardatz hartuta jardun zuten udal liburutegian egindako saioan.

Elearazi izeneko blogean kronika idatzi dute saioaz, eta interesgarria izango delakoan, hemen duzue lotura:

http://elearazi.org/2013/03/18/migrazioak/

Euskarak 365 egun

Ruperrekin esan diogu agur Kantuaren Kantoiari

Kantuaren Kantoia ’12. Ruper Ordorika.

Argazkia: @iarantzabal

Ez da posible, ezin liteke. Bada, bai, amaitu da aurtengoz Kantuaren Kantoia. Ruper Ordorikak itxi du solasaldi musikatuen zikloa. Bere oroitzapen, hausnarketa eta ideiak konpartitu zituen.  Ez da erraza ordu eta erdiko saio sakon eta interesgarri bat kronika baten islatzea. Baina ez dezatela esan ahalegina egin ez dugunik!

Entzule batek galdetu zion ea bere musika etxean entzuten duen, eta Ruperrek ezetz.  ‘Orduan, zer entzuten duzu?’: “Aholku bat emango dizuet: Autoan beti eduki behar duzue Bob Marleyren disko bat”. Batez ere momentu txarretarako ondo etortzen dela uste du Ruperrek. Entzuten hasi eta hirugarren abestirako animoa aldatuko dizula. Probatu beharko, Ruperrek ez dizu egunero aholku ematen-eta!

Hasierako garaiak, gaur egungoak… Ruperrek txikitan ‘konjuntoak’ entzuten zituen plazan: “Nire burua beti ikusi dut musikarekin lotuta, nire pasioa hori zen”. Hiru Truku taldean ibilitakoak ere azaldu zituen: “Niretzako eskola ikaragarria izan da Bixente eta Tapiagaz egotea”. Esan zuen kanta zaharren zalea izan dela beti, irratia heldu baino lehen entzuten ziren horiena: “Hemengo herri-kulturaren bizitza, nahiko lukete kultura handiago batzuek izatea.”

Garaiak ez dira berdinak. Benito, Laboa eta horiek entzunda filpatu egin zuen Ruperrek: “Asko zor diogu gure aurreko belaunaldiari”. Musikaren egungo egoeraz ere hausnartu zuen: “Azken urteetan gertatu den gauza onenetakoa dira Plateruena bezalako aretoak”. Orain zaila izaten ei da areto horiek betetzea, bere ustez, baina berak Kantuaren Kantoia bete zuen.

Amaitu da. Kronika honek gose apur bat piztu badizu, datorren urtean ez izan dudarik, etorri Platerueneko Kantuaren Kantoira.

Kantulagun 2011-12 hastera doa

Datorren ostegunean, irailaren 22an, ekingo diogu berriz ere KANTULAGUN egitasmoaren bigarren ekitaldiari. Berbaro elkartea eta Plateruenaren artean bultzatzen dugun egitasmo honetan parte hartzeko kantuzalea izan eta kanturako gogoa besterik ez dira behar. 2010ko Maiatza bitartean, hilabetean behin, ostegunero (hiru ekitaldi kalean izango dira, zapatuz) Plateruenean bilduko gara kantuan aritzeko.

Izena emateko Platerueneko barran bertan edo kultura@plateruena.net helbidean izango duzu aukera. Urteko izen-ematea 15€ da eta izen-ematearekin batera aurtengorako aukeratutako kantuen liburuxka eta 2 KD jasoko dituzu.

EGUTEGIA

Irailak 22 osteguna

Urriak 27 osteguna

Azaroak 26 larunbata

Abenduak 22 osteguna

Urtarrilak 26 osteguna

Otsailak 23 osteguna

Martxoak 24 larunbata

Apirilak 26 osteguna

Maiatzak 26 larunbata

ZILAR ASTEA 011

Durango 80 – Herri kultura – TEASER from BIDEOGRAFIK EKOIZPENAK on Vimeo.

Untitled from UNAI ITURRIAGA on Vimeo.

Gaur aurkeztu da Plateruenean ZILAR ASTEA 011. Iaz Joseba sarrionandiari eskainitakoaren ostean, aurten, “80ko hamarkada Durangon” izango da astea ardaztuko duen gaia. Goian ikusgai duzuen bideoa, aste honetarako beren beregi egin den “DURANGO 80 Herri Kultura” dokumentalaren promoa da. Programazio osoa beherago aurkituko duzue. (gehiago…)

BERBERTAN: Amets Arzallusek Jon Sarasua

Joan den otsailaren 17an Amets Arzallus eta Jon Sarasua izan genituen Plateruenean, Berbertan elkarrizketa zikloaren bigarren saioan. Arzallusen lan Bikainari maisuki erantzun zion Sarasuak. Anboto Komunikabideak-ek sarean jarritako bideoa ikusgai daukazue.